banghay aralin sa Araling Panlipunan

BANGHAY ARALIN
Pangkalahatang Impormasyon
May-akda	Hindi inilahad
Pamagat ng Aralin	Ang Pagsibol ng Sibilisasyong Griyego	Pamamarati	45 minuto
		Lugar	Silid-aralan
Asignatura	Araling Panlipunan III	Antas	Ika-siyam na  baitang
Layunin at Pagtataya
Layunin	Pagkatapos mong mapag-aralan ang modyul, inaasahang magagawa mo ang mga sumusunod: ·         Mailalarawan ang heograpiya ng Gresya; ·         Maipaliliwanag kung paano nakaapekto ang heograpiya ng Gresya sa pagsibol ng sibilisasyong Aegean; ·         Maibibigay ang pagkakaiba ng pamumuhay sa Athens at Sparta; ·         Matutukoy ang dahilan ng pag-usbong ng sibilisasyong Heleniko; ·         Masusuri ang naging dahilan ng mga digmaang naganap sa Gresya; ·         Makikilala ang mga taong nakatulong sa pamumulaklak ng sibilisasyong Helenistiko; at ·         Maiisa-isa ang mga kontribusyon ng Gresya sa iba’t ibang larangan ng ating pamumuhay.
Pagtataya	Aktibong pakikibahagi sa talakayan Maikling pagsusulit Takdang Aralin Indibidwal na gawain
Paghahanda
Kagamitan/ Sanggunian	Kopya ng Aralin Larawang mababanggit sa talakayan Pisara at Yeso Kwaderno at panulat Mapang naglalarawan sa Europa
Paghahanda ng mga Mag-aaral	·         Bawat mag-aaral ay kinakailangang magdala ng kagamitan para sa gaganaping aktibidad tulad ng manila paper at panulat. ·         Pagsasaliksik ng impormasyon hinggil sa tatalakaying aralin
Paghahanda ng mga Guro	·         Mabusising pag-aaral at paghahanda sa gagawing pagtatalakay ng aralin
Gawain
Gawaing Mag-aaral	Patunayan na malaki ang naging bahagi ng karagatan sa pag-usbong ng sibilisasyong Aegean. Ngunit, pag-aralan muna ang mapang naglalarawan sa Europa. Bilugan ang bahagi ng Gresya sa mapang nakapaskil sa pisara. Magbigay ng patunay at paliwanag sa bawat isa. Gumawa ng talata na sasagot sa katanungang: saan mo mas nanaisin manirahan, sa Athens o sa Sparta? Bumuo ng pangkat na may limang miyembro. Magbigay ng kuro-kuro hinggil sa pagsakop sa Gresya ni Alexander the Great. Nakatulong ba ito sa kasalukuyang kalagayan sa Gresya at sa Daigdig? Sang-ayon ba kayo sa mga pagbabagong naganap sa Gresya dahil sa pananakop niya? Kung hindi niya sinakop ang Gresya, ano ang maaring nangyari sa Gresya? Pumili mula sa dalawang pilosopiyang namayani noong panahon ng sibilisasyon, Epicureanismo at Stoicsismo. Ipaliwanag sa buong klase kung ano ang mas pinaniniwalaan mo. Magbigay ng halimbawa mula sa iyong karanasan.
Gawaing Guro	Pipili ng ilang mag-aaral na siyang magpepresenta sa harapan ng kanyang ginawa Magbigay ng mga simpleng panuto upang lubos na maunawaan ng mga mag-aaral ang magiging talakayan Bibigyang gabay ang mga mag-aaral na may mga katanungan Magbibigay ng mga katanungan ukol sa naging aralin Anu-ano ang mga naging bahagi ng karagatan sa pag-usbong ng sibilisasyong Aegean? Ano ang pinagkaiba ng klase ng pamumuhay sa Athens at Sparta? Ano ang pagbabagong naganap sa Gresya sa pananakop ni Alexander the Great? Sinu-sino ang mga nagpakilala ng dalawang mahalagang pilosopiya na nagsimula sa Athens noong panahong Helenistiko?

                                                                                                Inihanda nina:

                                                                                                Sandra Arniño

                                                                                                Shanin Estavillo

                                                                                                (Mga Guro)

Sinuri ni:

SHERYL R. MORALES, Ph.D

Punong guro